Mediadizayn

Mediadizayn yo‘nalishida jurnalistika sohasida eng yangi va zamonaviy yo‘nalish bo‘lib, bu tarmoqda jami 1 va 2 kurslarini qo‘shib xisoblaganda 41 nafar talaba tahsil olishadi. Ularga medianing dizayni, imidji, shu bilan birga, jurnalistikaning nazariy asoslaridan qiziqarli fanlar o‘qitiladi. Masalan, “Mediadizaynning dasturiy ta’minoti”, “Xorijiy til”, “Jurnalistika sohasida kopirayting”, “Mutolaa madaniyati”, “Axborot texnologiyalari”, “Saylovda PR texnologiyalari”, “Mediadizayn texnologiyalari”, “O‘zbek va jahon adabiyoti”, “Muvaffaqiyatli kommunikatsiya san’ati”, “Reklama dizayni”, “Jurnalistika va OK asoslari”, “Mediadizayn asoslari” fanlari bo‘yicha tahsil olishadi. Ularga Nozima Muratova, Muqimjon Qirg‘izboev, Saida Beknazarova, Zilola Abdukaxxarova kabi mohir professor-o‘qituvchilar dars berishadi. Talabalar ta’lim olishi bilan birga turli ommaviy axborot vositalarida, xususan, “O‘zbekiston” , “Mening yurtim”, “Sevimli”, “Dunyo bo‘ylab” telekanallari, “Xalq so‘zi”, “Ma’rifat”, “Darakchi”, “Yoshlar ovozi” gazetalarida amaliy mashg‘ulotlar bilan shug‘ullanadilar.


Guruh murabbiylari: Dildora Rizaeva, Muborak Norxo‘jaeva, Rustam Rashidov.