Bir necha kun avval O‘zbekiston Milliy media assotsiatsiyasining “So‘z” forumiga start berildi.

Dastlabki kundan boshlab, Innovatsiya rivojlanish vazirligi hamda Oʻzbekiston Milliy media assotsiatsiyasi o‘rtasida hamkorlik memorandumi tuzilib, memorandumni O‘zMMA raisi, O‘zJOKU rektori, professor Sherzodxon Qudratxo‘ja va Innovatsion rivojlanish vaziri Ibrohim Abdurahmonov imzolashdi.

Tadbirda shuningdek, Innovatsion rivojlanish vazirligi jamoasi, O‘zbekiston Milliy media assotsiatsiyasi va unga a’zo nodavlat telekanallar hamda ommaviy axborot vositalari vakillari ishtirok etishdi.

Ushbu hamkorlik turli sohalarda amalga oshirilayotgan innovatsion loyihalarning mazmun-mohiyatini keng jamoatchilikka yetkazish, yoshlarni ilmiy-innovatsion faoliyatga jalb etish maqsadida yo‘lga qo‘yildi.

Shuningdek, O‘zMMAga a’zo tele va radiokanallar vakillari bilan kelgusida turli xil intellektual ko‘rsatuvlar va radioeshittirishlar, ilmiy va innovatsion loyihalarni ishlab chiqish va ularni keng targ‘ib qilish kabi masalalar yuzasidan kelishib olindi.