Uzoq kutilgan va ko‘plab talabalarning talabiga binoan har yili an’anaviy tarzda o‘tkaziladigan “Yil talabasi” tanlovining Universitet bosqichiga start beramiz!

Tanlov jamiyatga, davlatga yetuk yosh, raqobatbardosh kadrlarni yetishtirib berish, yoshlarni vatanparvarlik ruhida tarbiyalash, intellektual salohiyatini oshirish, oliy o‘quv yurtlaridagi iqtidorli talabalarni aniqlash, ularning o‘z salohiyatlarini namoyon etishlariga imkoniyatlar yaratish, jamoatchilik, fidoyilik fazilatlarini shakllantirish, talabalik nufuzini oshirish hamda rag‘batlantirish maqsadida o‘tkazilmoqda.

Tanlov ikki bosqichda:
• Birinchi tur: har bir fakultet doirasida
• Ikkinchi tur: oliy ta’lim muassasasi miqyosida, fakultetlar kesimida g‘olib bo‘lgan ishtirokchilar o‘rtasida bo‘lib o‘tadi.

Tanlov quyidagi nominatsiyalar bo‘yicha o‘tkaziladi:
• “Yilning o‘z mutaxassisligi bo‘yicha eng bilimdon talabasi”;
• “Yilning eng faol targ‘ibotchi talabasi”;
• “Yilning eng faol ixtirochi-innovator talabasi”;
• “Yilning eng faol sportchi talabasi”;
• “Yilning eng faol iqtidorli talabasi”;
• “Yilning eng faol ijodkor talabasi”;
• “Yilning eng faol tadbirkor talabasi”.

Eslatib o‘tamiz, tanlovda uzluksiz (akademik ta’tilsiz) kunduzgi ta’lim shaklida o‘qib kelayotgan 2,3,4-bosqich talabalari ishtirok etishi mumkin.

Ishtirokchilarga tegishli bo‘lgan quyidagi hujjatlar to‘plami 10.10.2022 ga qadar ta’lim olayotgan fakultet dekanatlariga topshirilishi kerak:
• tanlov ishtirokchisining qobiliyati, fanlarni o‘zlashtirish darajasi, yetakchilik qobiliyati, erishgan yutuqlari, darslardagi faol ishtiroki, talabalarga o‘rnak bo‘ladigan jihatlari va jamoat ishlaridagi faoliyati haqidagi ma’lumotlar bayon etilgan ikki betdan oshmaydigan taqdimnoma;
• fanlarni o‘zlashtirish natijalari (sinov daftarchasi) nusxasi;
• nashr etgan ilmiy, ilmiy-uslubiy, ijodiy ishlari, ularga tegishli mutaxassislardan olingan taqrizlar bilan birga ijodiy ishlarning elektron shakli;
• xalqaro va respublikamiz miqyosida o‘tkazilgan tadbirlar, tanlovlarda faxriy yorliqlar va diplomlar bilan taqdirlanganligi to‘g‘risidagi hujjatlar nusxalari;
• grantlarda ishtirok etganligi to‘g‘risidagi ma’lumotnoma, grantning nomi, moliyalashtirish hajmi, ishtirokning shakli va darajasi ko‘rsatiladi;
• konferensiyalardagi ishtiroki haqidagi ma’lumotlar, ilmiy ishlar ro‘yxati va ilmiy ishlar nusxalari;
• hujjatlar to‘plamiga kiritilgan materiallar va axborotlar joriy yil davomida chop etilgan bo‘lishi lozim.

Nominatsiyalar bo‘yicha 1,2 va 3-o‘rinni egallagan g‘olib va sovrindorlar moddiy rag‘batlantiriladi.

@UzJOKU_iqtidorli_talabalar

Qo‘shimcha ma’lumotlar uchun: @Sugdiyona_Tillamurodovna, (93)760 70 06
“My sweet home” 1-qavat 104-xona