O'z 
Ru
EngBitiruv oqshomi qanday o‘tdi?
O‘zbekiston jurnalistika va ommaviy kommunikatsiyalar universitetida magistr va bakalavr bitiruvchi kurs talabalarining diplom topshirish marosimi bo‘lib o‘tdi.
Tadbirga universitet rahbariyati, o‘qituvchilar, ota-onalar va talabalarning yaqinlari tashrif buyurishdi.
2023/2024 o‘quv yilida O‘zJOKUni umumiy 590 nafar bitiruvchi tamomlandi. Shundan 32 ta magistr darajasidagi, 558 ta bakalavr darajasidagi (61 ta imtiyozli) diplomlar o‘z egalariga topshirildi.
Marosimda O'zbekiston jurnalistika va ommaviy kommunikatsiyalar universiteti rektori, professor Sherzodxon Qudratxo'ja bitiruvchi talabalarga o'z tabrigini yo'lladi.
"...xayrlashish hamisha og‘ir, dilga mahzunlik soladi. Oson emas, axir biz sizga to‘rt yil bilim-tajribamizni berdik, unga qo‘shib umrimizning to‘rt yilini berdik. Siz agar hayotda, sohamizda o‘z o‘rningizni topsangiz, xalq, millat ravnaqiga, farovonligiga xizmat qilsangiz, o‘tgan umrimiz, bergan bilimimizdan rozimiz. Erishgan yutug‘ingiz bizning g‘ururimiz, iftixorimiz bo‘lsin. Bugundan boshlab yangi bosqichga qadam qo‘yasiz. Oldinda yangi imkoniyatlar va qiyinchiliklar turibdi. Lekin, men ishonaman, bu qiyinchiliklarni yengib, yangi yutuqlarga erishasiz. Universitetda olgan bilim va ko‘nikmalaringiz sizga bu yo‘lda yordam beradi
- dedi universitet rektori, professor Sherzodxon Qudratxo'ja.