O‘zbekiston jurnalistika va ommaviy kommunikatsiyalar universitetida Belgiyaning “Diplomatic World” jurnali bosh muharriri Barbara Dietrich bilan uchrashuv bo‘lib o‘tdi. Norasmiy uchrashuvda universitet rektori Sherzodxon Qudratxo‘ja va Xalqaro Press klub jamoasi bilan birgalikda universitet vakillari ham ishtirok etdilar.

Barbara xonim uchrashuv davomida universitet talabalari bilan ham turli sohalar bo‘yicha suhbatlashdi, shuningdek universitetda tashkil etilgan dunyo san’ati durdonalari burchagi bilan ham tanishdi. Uchrashuvdan bir olam tassurot bilan xayrlashar ekan Barbara xonim O‘zJOKUga yana qayta qayta kelishni istashini ta’kidlab o‘tdi.

Yodingizda bo‘lsa, Barbara Dietrich avvalroq universitetga tashrif buyurib, rektor Sherzodxon Qudratxo‘ja bilan “Diplomatic world” jurnali uchun suhbatlashgan edi. Jurnalning oxirgi sonida bu intervyu chop etilgan u bilan siz jurnalning elektron manzilida tanishishingiz mumkin.