O‘zbekiston jurnalistika va ommaviy kommunikatsiyalar universiteti "Biz nechun sevamiz O‘zbekistonni" mavzusida talabalar o‘rtasida hikoyalar tanlovini e’lon qiladi.

"Biz nechun sevamiz, O‘zbekistonni" mavzusidagi tanlov ikki bosqichda o‘tkaziladi. Birinch bosqich - O‘zJOKUning fakultetlari akademik guruhlari talabalari o‘rtasida joriy yil iyun oyining ikkinchi o‘n kunligida o‘tkaziladi.

Ikkinchi bosqich - O‘zJOKU miqyosida fakultetlararo birinchi bosqich g‘oliblari o‘rtasida iyun oyining uchinchi o‘n kunligida onlayn tarzda o‘tkaziladi.

 

Tanlovga taqdim etiladigan hikoyalar quyidagi mezonlarda baholanadi:

- mavzuning mazmun-mohiyati to‘laqonli ochib berilganligi;

- ijodiy ishning stilistik va grammatik jihatdan to‘g‘ri yozilganligi;

- mavzuni yoritishda adabiyotlardan foydalanganlik darajasi va tahliliy yondashuvlar;

- mustaqil fikrlarning aniq bildirilganligi;

- mavzuni yoritishga o‘ziga xos ijodkorlik xususiyatlari ifoda etilganligi.

 

Har bir mezon 10 ballik tizim asosida baholanadi - jami 50 ball.

Tanlovning birinchi bosqichida yuqori (1,2,3) o‘rinni egallagan talabalar fakultet tomonidan maxsus diplom va qimmatbaho sovg‘alar, shuningdek, tanlovda faol ishtirok etgan talabalar universitet tomonidan faxriy yorliqlar bilan taqdirlanadi.

Tanlov bo‘yicha ikkinchi bosqichda g‘olib bo‘lgan talabalar maxsus diplom va qimmatbaho sovg‘alar, shuningdek, tanlovda faol ishtirok etgan talabalar universitet tomonidan faxriy yorliqlar bilan taqdirlanadi.

 

P.S: Ijodiy ishlaringizni pressservice.jmcu2018@gmail.com pochtasiga yuborishingiz mumkin.