Xabaringiz bor poytaxtimizda 15-16-iyul kunlari bo‘lib o‘tishi rejalashtirilayotgan “Markaziy va Janubiy Osiyo: mintaqaviy bog‘liqlik. Tahdidlar va imkoniyatlar” mavzusidagi Xalqaro konferensiyaga ko‘plab mamlakatlardan delegatsiyalar tashrif buyurgan. Ushbu konferensiyaga ekspert sifatida taklif etilgan va hozirda yurtimizda bo‘lib turgan Hindiston sobiq elchisi Skand Ranjan Tayal janoblari bugun O‘zbekiston jurnalistika va ommaviy kommunikatsiyalar universitetiga tashrif buyurdi.

Tashrif doirasida sobiq elchi universitetning yangi binosi, tele va radio studiyalari, yoshlar press klubi, universitet bog‘i, unda tashkil etilgan hayvonot olami bilan tanishdi. Shuningdek, uchrashuv davomida Ranjan Tayal janoblari O‘zJOKU rektori Sherzodxon Qudratxo‘ja bilan O‘zbekiston va Hindiston ta’lim tizimidagi islohotlar, o‘xshashlik va farqli jihatlar yuzasidan mazmunli suhbat qurdilar.