Shu yilning 23-noyabr sanasida O‘zbekiston jurnalistika va ommaviy kommunikatsiyalar universitetiga mahorat darsini o‘tish maqsadida “UzReport” va “Futbol TV” boshlovchilari Ibrohim Ahmedov va Nilyufar Sotiboldiyevalarning Sport jurnalistikasi yo‘nalishi talabalari bilan uchrashuvi bo‘lib o‘tdi. Mahorat darsi tashkilotchilari - Bosma OAV va noshrlik ishi fakulteti.

Mahorat darsi qizg‘in ruhda bo‘lib o‘tdi. Sababi, birinchidan, talabalar o‘zlarining sevimli bo‘lgan boshlovchilari bilan uchrashish imkoniyatiga ega bo‘lishdi. Mehmonlarimiz qiziqarli ma’lumotlar bilan birga o‘z tajribalari bilan ham o‘rtoqlashishdi.

Ma’ruzachilar o‘zlarining tajribalaridan kelib chiqqan holda talabalarga motivatsion gaplar, maslahatlar berishdi. Qolaversa, jurnalistika sohasiga qanday kirib kelganliklari, qancha yo‘lni bosib o‘tganliklari, qanday loyihalar ustida ish olib borishganligi va qanday yutuqlarga erishishganligi to‘g‘risida talabalarga gapirib berishdi. Ular “UzReport” va “Futbol TV” kanallarida olib borayotgan faoliyatlari bilan ham talabalarni tanishtirishdi.

Ma’lumot o‘rnida shuni aytishimiz mumkinki, Nilyufar Sotiboldiyeva hamda Ibrohim Ahmedov bugun “UzReport” telekanalida tonggi “Fayzli tong”, “Futbol TV” da “Offside” va “Fun Time” ko‘rsatuvlarining boshlovchilari hisoblanishadi.

Talabalar amaliyoti bo‘yicha ham kelishuvga erishildi. Bu haqida batafsil ma’lumotni keyingi postlarimizda o‘qing!