O‘zbekiston jurnalistika va ommaviy kommunikatsiyalar universiteti Bosma OAV va noshirlik ishi fakulteti o‘zbek tili va adabiyot kafedrasi tomonidan “O‘zbekistonda xorijiy tillar” ilmiy-elektron jurnal va internet portali hamkorligida 2020-yil 16-dekabr kuni “Medialingvistika: nazariyasi va amaliyoti” mavzusida xalqaro miqyosdagi ilmiy-amaliy konferensiya o‘tkazildi.

Unda O‘zJOKU rektori Sherzodxon Qudratxo‘ja, O‘zbekiston jurnalistlar ijodiy uyushmasi raisi o‘rinbosari Xolmurod Salimov hamda ko‘plab xorijiy professor-o‘qituvchilar ishtirok etishdi.

Konferensiyaga quyidagi sho‘balar bo‘yicha ilmiy maqolalar qabul qilindi:

Medialingvistika nazariyasi va amaliyoti;

Onlayn jurnalistika: til, uslub muammolari;

Matbuot materiallari tahlili va tahriri;

Audiovizual jurnalistikada medialingvistika masalalari;

PR: mahorat masalalari;

O‘zbek tilining sohada qo‘llanilishi;

Adabiyotshunoslik masalalari.