O‘zbekiston Respublikasining Innovatsion rivojlanish vazirligi tomonidan 3-noyabrdan 8-noyabr kunlari anʼanaviy tarzda har yili o‘tkazib kelinayotgan InnoWeek.uz 2020-xalqaro innovatsion g‘oyalar haftaligi ilk bor onlayn formatda o‘tkaziladi.

Tadbirda 30 dan ortiq davlatlar hamda Avstriya, Buyuk Britaniya, Niderlandiya, Italiya, Isroil, Rossiya, AQSH va boshqa mamlakatlardan nufuzli tashkilot vakillari, ilm-fan yetakchi mutaxassislari ishtirok etadi.

Haftalik o‘tkazilishining asosiy maqsadi mamlakatning xalqaro maydonda raqobatdoshligi va innovatsion rivojlanishning asosiy omili sifatida rivojlantirishdir.

Haftalik doirasida dunyodagi 30 dan ortiq xorij kompaniyalar vakillari birinchi onlayn innovatsion xalqaro ko‘rgazmasida ishtirok etadi. Yangi formatdagi ko‘rgazma maydoni eng ilg‘or innovatsion texnologiyalar, mahsulotlar va loyihalar, shuningdek ichki va tashqi biznesning turli soha vakillari o‘rtasidagi hamkorlik uchun keng imkoniyatlarni ochib beradi.

InnoWeek.uz haftaligi dasturi ko‘rgazmadan tashqari bir qancha qiziqarli tadbirlarni o‘z ichiga olgan:

3–5-noyabrda oltita sessiyadan iborat Xalqaro innovatsion va investitsion forum;
3–8-noyabrda Xalqaro International Robotics Challenge musobaqasi;
3–5-noyabrda Birinchi an’anaviy xalqaro yoshlar innovatsion forumi – 2020-yil World youth innovation forum – 2020;
3-noyabrda Birlashgan Millatlar Tashkilotining Tinch okeani iqtisodiy va ijtimoiy komissiyasi (ESKATO) Osiyo-Tinch okeani texnologiyalar transferi markazi bilan hamkorlikda “Covid-19 pandemiyasi bilan bog‘liq muammolarni hal qilishda innovatsiyalar va texnologiyalarning yangicha paradigmalari” mavzusida mintaqaviy seminar;
5–7-noyabrda Yevropa Ittifoqi ekspertlari ishtirokidagi vebinar - Horizon Europe.

Haftalik doirasida “Bank ishlanmalari” platformasining taqdimoti bo‘lib o‘tadi, bu kraudfanding imkoniyatiga ega bo‘lgan startapni ishga tushirish uchun potensial investorlar va ishbilarmon farishtalarni topish uchun noyob platformaga aylanadi va shuningdek boshqa qiziqarli tadbirlar va taqdirlash marosimlar ham bo'lib o'tishi rejalashtirilgan:

"Innovatsion g‘oya yetakchisi" ko‘krak nishoni bilan taqdirlash marosimi;
"Ilm-fan va taraqqiyot" mavzudagi eng yaxshi publitsistik maqolalar tanlovi g'oliblarini taqdirlash marosimi.

Innoweek.uz veb-sayti orqali ro‘yxatdan o‘ting va haftaning barcha tadbirlarida ishtirok eting!

Dastur to‘g‘risida ma’lumot: https://innoweek.uz/programda

Obuna bo‘ling va yangiliklardan xabardor bo'ling:

Facebook https://www.facebook.com/SP-CENTERuz-2212561179054626

Instagram https://instagram.com/spcenteruz

Telegram  https://t.me/innovation_centertashkent