Xabaringiz bor, o‘tgan yilning iyun oyida Qoraqalpog‘iston Respublikasi Jo‘qorg‘i Kengesi Prezidiumining tegishli qaroriga binoan, respublikada amalga oshirilayotgan islohotlarning yoritilishiga qo‘shayotgan katta hissasi uchun Xalqaro press-klub Raisi, O‘zbekiston jurnalistika va ommaviy kommunikatsiyalar universiteti rektori, professor Sherzodxon Tojiddinxon o‘g‘li Qudratxo‘ja “Qoraqalpog‘iston Respublikasida xizmat ko‘rsatgan jurnalist” faxriy unvoni bilan taqdirlangan edi.

27-iyun kuni - Matbuot va OAV xodimlari kuni arafasida Qoraqalpog‘iston Respublikasi Jo‘qorg‘i Kengesi raisi, Murat Kallibekovich Kamalov “Mehnat shuhrati” unvoni guvoxnomasi va ko‘krak nishonini topshirdi.

Shuningdek, O‘zbekiston Respublikasi qishloq xo‘jaligi vaziri Jamshid Xodjaev qishloq xo‘jaligi sohasining yoritilishiga munosib hissa qo‘shib kelayotganligi uchun Sherzodxon Qudratxo‘jaga "O‘zbekiston Respublikasi qishloq xo‘jaligi fidoyisi" ko‘krak nishonini topshirdi.

Kuni kecha O‘zbekiston Respublikasi suv xo‘jaligi vazirligi tomonidan Sherzodxon Qudratxo‘ja “O‘zbekiston Respublikasi suv xo‘jaligi a’lochisi” ko‘krak nishoni bilan ham taqdirlandi.

Universitet jamoasi Sherzodxon Tojiddinxon o‘g‘li Qudratxo‘jani ushbu mukofotlar bilan samimiy tabriklaydi va kelgusi ishlarida bundan-da ulkan muvaffaqiyatlar tilaydi!