Kuni kecha O‘zJOKU talabalar turar joyi – My sweet homeda universitet rektori, professor Sherzodxon Qudratxo‘ja talaba yigitlar bilan uchrashdi.

Yotoqxonada yashovchi yigitlarning xonalarini ko‘zdan kechirishdan boshlangan uchrashuv davomi samimiy suhbatga ulanib ketdi. Yigitlarning xonalarini ko‘zdan kechirar ekan rektor ularga yashash joyini ozoda saqlash, shaxsiy gigiyena qoidalariga rioya qilish, boshqalarga ham shuni targ‘ib qilish va o‘zaro do‘stona munosabatlarni yo‘lga qo‘yish kerak va shart ekani haqida alohida to‘xtalib o‘tdi.

Bo‘sh vaqtlaridan unumli foydalanish, o‘qish, izlanish, turli til kurslari, sport mashg‘ulotlariga ham qatnash lozimligi ta’kidlagan holda Sherzodxon Qudratxo‘ja yigitlar bilan birgalikda universitet sport zalida birgalikda sport bilan ham shug‘ullandi.