Bugun, 10-yanvar kuni O‘zJOKUda Ozarbayjon va O‘zbekiston media vakillari bilan 2 ta uchrashuv bo‘lib o‘tdi.

Ozarbayjonlik taniqli jurnalist, AzTVning “Qizil olma” teleko‘rsatuvi rahbari Aida Eyvazova O‘zJOKU rektori, professor Sherzodxon Qudratxo‘ja bilan suhbat o‘tkazdi. Intervyuda O‘zbekistonning tarixiy jihatlari, Amir Temur va Jadidlar haqida so'z bordi.

Ikkinchi uchrashuvda zamonaviy medianing turli jihatlari va muammolari muhokama qilindi. Ucharshuvda Ozarbayjonda xizmat ko‘rsatgan artist va teleboshlovchi Dilyara Aliyeva boshchiligidagi delegatsiya, O‘zJOKU rektori, professor Sherzodxon Qudraxo'ja hamda soha vakillari ishtirok etdi.

Shuningdek, O‘zbekiston va Ozarbayjon o‘rtasidagi hamkorlik va do‘stlik ramzi bo‘lgan filmning ishlab chiqarilishi ikki mamlakat madaniyati va musiqasini, o‘ziga xos sinergiyasini birlashtirdi. Ozarbayjon teleseriallarini o‘zbek tiliga, o‘zbek seriallarini ozarbayjon tiliga dublyaj qilish bo‘yicha faol rivojlanish tashabbusi ham taklif etildi, buning maqsadi ikki mamlakatda madaniy merosni kengroq ommaga yetkazishdir.

Bunday uchrashuv va tashabbuslar turli ommaviy axborot vositalari o‘rtasidagi hamkorlikni rivojlantirish, O‘zbekiston va Ozarbayjon o‘rtasidagi do‘stona munosabatlarni mustahkamlashga xizmat qilmoqda.