28-may 2019-yil, DW Butunjahon Media Forumi - 2019 doirasida O’zbekiston jurnalistika va ommaviy kommunikatsiyalar universiteti DW Academy bilan hamkorlik memorandumini imzoladi.
Memorandumda ikki tomonlama aloqalar, jumladan jurnalistlarni tayyorlash va qayta tayyorlash, amaliyotchi jurnalistlarni malakasini oshirish maktabini shaklantirish bo’yicha xamkorlik belgilangan.

      DW Academy Germaniya hukumati tomonidan qo’llab quvvatlanadigan Nemis to’lqini media kompaniyasi qoshidagi jurnalistlarni o’qitish, qayta tayyorlash, malakasini oshirish, media soxasida magistraturani o’qitish bo’yicha faoliyat yurituvchi ta'lim tashkiloti bo’lib, u butun dunyoda sifatli jurnalistika va erkin matbuot uchun ta'limni rivojlantirishni qo’llab-quvvatlaydi. Yangilanayotgan va o’zgaratgan muhitda ommaviy axborot vositalari xodimlarining kasbiy tayyorgarligini rivojlantirish uchun xalqaro miqyosda ko’makni amalga oshiradi.

     Malaka oshirish dasturlari qatorida DW Academy magistratura dasturi bo’yicha to’rt semestrlik o’qitishga ham qabul qiladi, asosan o’quv jarayoni zamonaviy medialar, jurnalistika asoslari, kommunikatsiya va media menejment yo’nalishlariga o’qishni taklif etadi. Ushbu noyob magistrlik dasturi nemis va ingliz tillarida olib boriladi va avvalgi ommaviy axborot vositalariga ega bo’lgan rivojlanayotgan va o’tish mamlakatlaridan kelgan yosh talabalar uchun mo’ljallangan.

     DW Аkademiyasi o’qishga taklif etilgan xorijiy jurnalistlar xalqaro media-tadqiqotlarni (MS Deutsche Welle, Bonn Universiteti va Bonn-Rhine-Sieg Graduate School bilan birgalikdagi qo’shma loyihalar doirasida) magistraturada o’qish imkoniga ega bo’lib, ilmiy faoliyat bilan shug’ullanadi va DWda amaliyot o’tashadi. O’zbekiston bilan hamkorlikda alohida e'tibor media menejment yo’nalishini rivojlantirishga qaratilishi ko’zda tutilgan.