Risolat Maxsumova - Axborot xizmati va jamoatchilik bilan aloqalar yo‘nalishi talabasi. U o‘zining facebookdagi sahifasida universitet rahbariyatiga minnatdorchilik bildirdi:

Men tolibman... ustozlari ishonch bildirgan, ba’zida ularni quvontira olgan, ba’zida xato qilgan, hali ko‘p o‘rganishga muhtoj tolibman... Bugun tolib bo‘lganimdan beri birinchi marta o‘z universitetim haqida yozmoqchiman.

To‘g'risi, bolalikdan jurnalistikaga qiziqqan bo‘lsam-da, boshqa kasbni, boshqa oliygohni tanlamoqchi edim. Lekin taqdir charxpalagi meni O‘zbekiston jurnalistika va ommaviy kommunikatsiyalar universitetiga olib kirdi. Bugun esa shu taqdirimdan, shu oliygohga kelgan kunimdan mamnunman.

Hozir sohadagi eng sara ustozlarning erka shogirdi, maqsadlarga yetishda yordam beruvchi motivatsiyalarning koniga tushib qolgan omadli talabalardan biriman.

Shu dargohga kelganimdan buyon menga ishonch bildirib kelayotgan, harakatlarimni e’tirof etayotgan ustozlarim, muallimlarim sizlarga rahmat. Bugun siz sabab o‘zimga ishonyapman, siz sabab odimlarim shaxdamlashyapti.

Menga ko‘rsatilayotgan e’tirof, e’tibor quvonchdan ham ko‘ra ko‘proq mas’uliyat bag‘ishladi. Ustozlarim, barchangizga rahmat, chin qalbdan minnaddorman!!