Bugun 21-oktabr O‘zbek tiliga davlat tili maqomi berilgan kunga 32 yil to‘lishi munosabati bilan O‘zJOKUda tashkil etilgan tantanali tadbir ana shu shior nomi ostida bo‘lib o‘tdi.

Tadbirda universitet rektori Sherzodxon Qudratxo‘ja so‘zga chiqib o‘zbek tilining tarixi va kelajagi, uning qadri hayotimizda nechog‘lik ahamiyatli ekani, boshqa tillarni o‘rganish qatorida aslida o‘z ona tilimizni ham mukammal o‘rganishimiz lozimligini ta’kidlab o‘tdi.

Tadbirda shuningdek universitet professor-o‘qituvchilari, ishchi-xodimlari va albatta talabalari ishtirok etib, til bayramiga bag‘ishlangan chiqishlari bilan barcha yig‘ilganlarni mamnun etdilar!