Kuni kecha O‘zJOKUda O‘zbekiston Respublikasida xizmat ko‘rsatgan madaniyat xodimi, “Mehnat shuhrati” ordeni sohibi, oliy toifali suxandon Ra’no Jo‘rayeva hamda suxandon Ra’no Rahimovalar ishtirokida mahorat darsi tashkil etildi.

Xalqaro va audiovizual jurnalistika fakulteti talabalari uchun tashkil etilgan ushbu mahorat darsi “To‘g‘ri nutq so‘zlash” mavzusida bo‘lib, suhbatda asosan tele ekranda suxandon o‘zini qanday tutishi kerakligi, kiyinish odobi, so‘zga to‘g‘ri urg‘u qo‘yish, talaffus qilganda tovushlarning to‘liq chiqishiga e’tibor qaratish va boshqa professional bilimlar haqida so‘z bordi.

Talabalar tomonidan soha bo‘yicha berilgan savollarga oliy toifali suxandonlar tomonidan batafsil javob berildi.