O'z 
Ru
EngRektor bilan “gumma” yegan talabalar
Bugun O‘zJOKU rektori, professor Sherzodxon Qudratxo‘ja tomonidan universitet talabalari uchun ochiq havoda ijodiy mahorat darsi tashkil etildi.
Mahorat darsi Toshkentning qoq markazi - Toshkent markaziy univermagi ortida joylashgan hiyobonda bo‘lib o‘tdi.
Darsda talabalar kitoblar rastasini tomosha qilishdi, yangi va hech qachon eskirmaydigan kitoblar bilan tanishib, professor tavsiyasiga ko‘ra o‘zlari uchun qiziq bo‘lgan kitoblarni harid qilishdi.
Dara davomida talabalar kuz faslining go‘zalliklarini fotolarga qanday muxrlash kerakligi haqida universitet va mahalliy nashrlarda allaqachon nom qozongan fotojurnalist talabalar hamda fotojurnalistika bo‘yicha dars beruvchi ustozlaridan master klass olishdi.
Darsda faollik ko‘rsatgan talabalarga rektor tomonidan ajoyib hadiyalar taqdim etildi. Sovuqda ochiqqan talabalarni professor Sherzodxon Qudratxo‘ja “ЦУМ” ning mashhur gummalari va issiq choy bilan mehmon qildilar.
Talabalar uylariga bir olam taassurot va unutilmas xotiralar, hayotda kerakli bo‘lgan tajriba va maslahatlar olib qaytdilar.