Istanbulda Turkiy tilli davlatlar ommaviy axborot vositalarida faoliyat olib borayotgan jurnalist va kolumnistlar ishtirokida “Turk dunyosi kolumnistlari simpoziumi” bo‘lib o‘tmoqda. Unga 70 ga yaqin OAV vakillari va media sohasi ekspertlari tashrif buyurgan. Ular orasida O‘zbekistonlik jurnalistlar va media vakillari ham bor.

Mazkur simpoziumda O‘zJOKU vakili, “Xalqaro press klub” bosh produseri Umid Yakubov ham ishtirok etmoqda. O‘zbekiston delegatsiyasi tarkibida ishtirok etayotgan U.Yakubov media sektor kelajakda qanday rivojlanadi? mavzusida o‘z taqdimoti bilan qatnashmoqda. Taqdimot davomida simpozium ishtirokchilariga O‘zJOKU hamda “Xalqaro press klub” faoliyati to‘grisida ma’lumotlar berildi.

Simpoziumda “Yangi yuz yillikda OAV” va “Yangi asrda dunyo tartibining shakllanishi” mavzusida muhokamalar bo‘lib o‘tmoqda.

2023-yilning 26-28-aprel kunlari o‘tkazilayotgan mazkur xalqaro forum Turkiya Respublikasi Prezidenti huzuridagi Kommunikasiyalar bo‘yicha boshqarma tashabbusi bilan tashkil etildi.