Bugun 17-21-oktyabr kunlari O‘zbekiston jurnalistika va ommaviy kommunikatsiyalar universiteti hamda O‘zbekiston milliy media assotsiatsiyasi bilan hamkorlikda o‘tkazilayotgan “Yangi Media Jurnalistikasi” mavzusidagi o‘quv seminarining taqdirlash marosimi bo‘lib o‘tdi.

Universitetda o‘tkazilayotgan ushbu seminarning bugun 4-kuni bo‘lib, hafta avvalidan beri o‘quv seminarida har kuni bugungi kun jurnalistikasining dolzarb mavzulari bo‘yicha treninglar o‘tkazilayotgan edi. Seminarda turli OAV dan taklif etilgan jurnalistlar turkiyalik mutaxassislarning ma’ruzalarini tinglab, soha bo‘yicha o‘z bilim va ko‘nikmalarini oshirishga muvaffaq bo‘ldilar.

Bugun esa seminar faollari va tashkilotchilar uchun O‘zJOKU faollar zalida sertifikatlar topshirish va taqdirlash marosimi tashkil etildi. Marosimda O‘zJOKU rektori, O‘zMMA raisi, professor Sherzodxon Qudratxo‘ja, Turkiyaning O‘zbekistondagi Favqulotda va Muxtor elchisi Olgan Bekar, TIKA tashkiloti rahbariyati va TRT mas’ullari ishtirok etib, seminar faollarini birgalikda taqdirlashdi.